Un dos trazos de identidade da actividade agraria no rural galego é a importante presenza das mulleres. Neste informe sobre as mulleres no agrocooperativismo galego amósase esta realidade, aflorando as cifras da súa representatividade como socias das cooperativas, como parte dos órganos de administración e mesmo dando a coñecer a súa situación dentro de iniciativas recentes de asociacionismo das mulleres cooperativistas coma a asociación Nós, As Mulleres.
As cifras veñen a confirmar a singularidade da presenza da muller nas cooperativas agrarias galegas.